शिवप्रहार न्यूज-बेलापूर खुर्द मध्ये फक्त एक कोरोना रुग्ण असून लॅाकडाऊन मधून शिथिलता द्यावी-ग्रामस्थांची मागणी.
Editor Chandu Aage 
बेलापूर खुर्द मध्ये फक्त एक कोरोना रुग्ण असून लॅाकडाऊन मधून शिथिलता द्यावी-ग्रामस्थांची मागणी...
बेलापूर खुर्द - बेलापूर खुर्द गावामध्ये कोरोनाचे रुग्ण वाढू लागताच बेलापूर खुर्द ग्रामपंचायतीने स्वतःहून लॉकडाऊन सुरू करून सर्व गाव परिसर बंद केला होता.तेव्हापासून गावातील व्यापार बंद आहे.सध्या गावातला करोना आटोक्यात आला असून तसा वैद्यकीय अधिकाऱ्यांचा अहवाल देखील आहे.
सणासुदीचा काळ चालू असल्याने व्यापाऱ्यांनी दुकानात माल भरून ठेवला आहे.असेच गाव बंद राहिले तर व्यापाऱ्यांचे मोठे नुकसान होण्याची शक्यता आहे. त्यामुळे या बंदच्या नियमात शिथिलता द्यावी अशी मागणी समस्त बेलापूर खुर्द ग्रामस्थ व व्यापाऱ्यांनी जिल्हाधिकारी यांच्याकडे निवेदनाद्वारे केली आहे.
सध्या गावात एकच करोना रुग्ण असून तोही दवाखान्यात उपचार घेत आहे.तसेच गावात 80 टक्के लसीकरण देखील पूर्ण झाले आहे.त्यामुळे सणासुदीच्या काळात बेलापूर खुर्दवर अन्याय नको अशी भावना उमटत आहे.
