शिवप्रहार न्यूज- वार्ड नंबर 2 मधील देवीच्या मंदिरात चोरी...
Editor Chandu Aage 
वार्ड नंबर 2 मधील देवीच्या मंदिरात चोरी...
श्रीरामपूर - श्रीरामपूर शहरातील संजय नगर,वार्ड नंबर 2 या भागात असणाऱ्या दत्त आंबा मंदिरात चोरी झाल्याची घटना घडली आहे.
याबाबतची हकीकत अशी की ,काल कोणीतरी अज्ञात चोरट्यांनी देवीच्या मंदिराच्या दरवाज्याची कडी व कोंडा कोणत्यातरी हत्याराने तोडून मंदिराच्या आत मध्ये प्रवेश केला. त्यानंतर या चोरट्यांनी देवीच्या मूर्तीजवळ जाऊन देवीच्या मूर्तीचे सोन्याचे दागिने चोरून नेले आहे.
याप्रकरणी मंदीराचे पुजारी दत्तात्रय वसंत थावरे,वय 58, व्यवसाय -सिक्युरिटी गार्ड व पुजारी , राहणार -मोरगे मळा,लक्ष्मी निवास जवळ,सुतगिरणी रोड, श्रीरामपूर यांनी श्रीरामपूर शहर पोलीस ठाण्यात फिर्याद दिली असून त्याप्रमाणे चोरीचा गुन्हा दाखल करण्यात आला आहे.
या गुन्ह्याचा तपास पोलिस निरीक्षक सानप यांच्या मार्गदर्शनाखाली पोलीस हवालदार साळवी करीत आहे.
