शिवप्रहार न्यूज - आज सकाळी खंडाळा गाव परिसरात 40 ते 45 मेंढ्या मयत स्थितीत आढळल्या...
Editor Chandu Aage 
आज सकाळी खंडाळा गाव परिसरात 40 ते 45 मेंढ्या मयत स्थितीत आढळल्या...
श्रीरामपूर- श्रीरामपूर शहराजवळ असलेल्या खंडाळा गावामध्ये उक्कलगाव रोडवरील नेरवाडी भागात आज मंगळवारी सकाळच्या सुमारास फिरतीवर असणाऱ्या शेतकऱ्यांच्या सुमारे 40 ते 45 मेंढ्या मेलेल्या अवस्थेत आढळल्या आहेत.
याबाबत अधिक माहिती अशी की,शिवाजी मोहन होडगर, किरण ज्ञानदेव गुलदगड व श्री.गडदे ,सर्व राहणार -वावर जांभळी ,तालुका राहुरी या फिरतीवर असणाऱ्या मेंढपाळ शेतकऱ्यांचा मुक्काम खंडाळा गावातील उक्कलगाव रोड नेरवाडी भागात होता. दरम्यान काही दिवसांपासून मेंढ्यांची तब्येत ठीक नसल्यामुळे या शेतकऱ्यांनी राहुरी शहरातील जनावरांच्या औषधालयामधून सोडम, मॅग्नेश इत्यादी औषधे उपचाराकामी घेतले व त्याचा डोस या मेंढ्यांना काल दिला होता.
आज सकाळी या मेंढ्या मयत अवस्थेत आढळल्याने या शेतकऱ्यांचे प्रचंड मोठे आर्थिक नुकसान झाले आहे.हे शेतकरी पोलीस स्टेशनला तक्रार देण्यासाठी गेले असल्याचे समजते.खंडाळा गावातील तरुण शिवभक्तांनी यावेळी मेंढपाळांना सहकार्य केले.
