शिवप्रहार न्युज - नगरच्या माजी सैनिकाचा खून !लोणीजवळ आढळला मृतदेह!!दैनिकाच्या संपादकावर गुन्हा दाखल ?खळबळ !!!

नगरच्या माजी सैनिकाचा खून !लोणीजवळ आढळला मृतदेह!!दैनिकाच्या संपादकावर गुन्हा दाखल ?खळबळ !!!

नगर /लोणी(शिवप्रहार न्यूज पोर्टल)- नगर परिसरात राहणाऱ्या भोर नावाच्या माजी सैनिकाचा धारदार हत्यारांनी खून करून त्याचा मृतदेह राहता तालुक्यातील लोणी-तळेगाव रस्त्यावर गोगलगाव शिवारात शेतात फेकून देण्यात आला.हा मृतदेह काल रविवारी लोणी पोलिसांना आढळून आला.या प्रकरणी प्रथम लोणी पोलीस स्टेशनचे पोलीस कर्मचारी निलेश भादवड यांच्या फिर्यादीवरून अज्ञात इसमाच्या खून प्रकरणी अज्ञात आरोपींविरुद्ध भादवि कलम 302 प्रमाणे खुनाचा गुन्हा दाखल करण्यात आला.

      एस पी राकेश ओला ,अप्पर पोलीस अधीक्षक स्वाती भोर ,डी वाय एस पी सोमनाथ वाकचौरे ,संदीप मिटके यांच्या मार्गदर्शनाखाली स्थानिक गुन्हे शाखा,लोणी पोलिसांनी कसून तपासाची चक्रे फिरवत या खुनाचा उलगडा जवळजवळ केला असून मेलेला इसम ज्याचा मृतदेह आहे याची हत्या करण्यात आली असुन त्याचे नाव भोर असल्याचे समोर आले आहे. त्याच्या पत्नीने कालच पती बेपत्ता झाल्याची खबर नगर शहरातल्या एका पोलीस स्टेशनला दिली होती.दरम्यान संपत्ती प्रॉपर्टी इस्टेटच्या कारणातून माजी सैनिक असलेल्या भोर याचा नियोजनबद्ध खून करण्यात आला.हा खून करण्यामध्ये नगर शहरातील एका दैनिकाच्या संपादकाचा आरोपीमध्ये समावेश असून या घटनेने नगर शहरासह जिल्ह्यात खळबळ उडाली आहे.

      पोलीस बारकाईने या घटनेचा तपास करत असून दुपारी उशिरा या प्रकरणी अधिकृत माहिती पोलीस सूत्रांकडून दिली जाईल असे सांगण्यात आले.दरम्यान वृत्तपत्र क्षेत्रात काम करणारे काही लोक गुन्हेगार वृत्तीचे असल्याचे बाळ बोठे प्रकरणावरून समोर आले होते.त्यानंतर आता पुन्हा नगरच्या एका दैनिकाचा संपादकाचे नाव खुनाच्या गुन्ह्यात समोर आल्याने पत्रकारिता क्षेत्रातही खळबळ उडाली आहे.विषेश म्हणजे पत्रकार म्हणून या इसमाचा अनेक मोठ-मोठ्या ठिकाणी वावर होता.