शिवप्रहार न्युज - श्रीरामपुरात रस्त्यावर खड्डेच खड्डे, नागरिक हैराण; नेत्यांना शिव्या-शाप...
Editor Chandu Aage 
श्रीरामपुरात रस्त्यावर खड्डेच खड्डे, नागरिक हैराण; नेत्यांना शिव्या-शाप...
श्रीरामपूर (शिवप्रहार न्युज)- श्रीरामपूर शहरातील नॉर्दन ब्रांच ते कांदा मार्केट पर्यंतच्या रस्त्यावर प्रचंड मोठ्या प्रमाणात खड्डे झाले असून यामुळे श्रीरामपूरकर हैराण झाले आहेत. शहरातील या प्रमुख रस्त्यावर मोठ्या प्रमाणात वाहनांची वरदळ असते त्यामुळे वाहन चालकांना ह्या खड्यांमुळे मोठी कसरत करावी लागत आहे.
सदरच्या रस्त्यावर नेहमीच डागडुजी/दुरूस्ती करून देखील हा खड्ड्यांचा प्रश्न जसाच्या तसा असल्याने नागरिकांनी प्रशासनासह पुढाऱ्यांबाबत तीव्र नाराजी व्यक्त केली असून लोक राजकारणी लोकांना शिव्या-शाप घालत आहे. हा रस्ता कधी दुरुस्त होणार हा मोठा प्रश्न निर्माण झाला आहे.
