शिवप्रहार न्युज - जिल्ह्यात ०२ गावठी कट्टे पकडले ! कर्जतला आंघोळ करतांना अश्लील चाळे!!
Editor Chandu Aage 
जिल्ह्यात ०२ गावठी कट्टे पकडले ! कर्जतला आंघोळ करतांना अश्लील चाळे!!
नगर/ संगमनेर / नेवासा ( शिवप्रहार न्युज) विधानसभा निवडणुकीच्या पार्श्वभुमीवर एसपी राकेश ओला यांच्या मार्गदर्शनाखाली जिल्हाभर गुन्हेगार व गावठी कट्टे प्रकरणी धडाकेबाज कारवाई सुरु असून काल नेवासा पोलीसांनी आरोपी सागर शिंदे रा. सलाबतपूर याला गावठी कट्टा व जिवंत काडतुसासह पकडले.पोना . झांबरे यांचे फिर्यादीवरून नेवासा पोलीसात गुन्हा दाखल करण्यात आला. पोनि जाधव यांचे मार्गदर्शना खाली पुढील तपास सुरु आहे.तर संगमनेर शहर पोलीसांनी आरोपी आशिश महीरे याच्याकडून गावठी कट्टा मॅगझीन पकडले.आरोपी महीरे हा संगमनेर येथे राहणारा असून त्याच्यावर संगमनेर शहर पोलीसात गुन्हा दाखल करण्यात आला आहे.पोनि देशमुख यांच्या मार्गदर्शनाखाली पोलीस पुढील तपास करीत आहे .
दुसरीकडे कर्जत तालुक्यातील घटनेत एक ३५ वर्षाची महीला स्नानगृहात आंघोळ करत असतांना त्यांच्या बाथरूमला वर छत नसल्याने तेथे वर येवून आरोपी अफताब सय्यद याने महीलेकडे पाहून अश्लील चाळे करत विनयभंग केला.यावेळी महीलेने जोरदार आरडा -ओरडा केला.आरोपी सय्यद वर मिरगांव पोलीसात विनयभंगाचा गुन्हा दाखल करण्यात आला असून सपोनि पाटील यांच्या मार्गदर्शनाखाली आरोपीचा पोलीस शोध घेत आहे .
