शिवप्रहार न्युज - श्रीरामपूर शहरात विक्रीसाठी आलेला गावठी कट्टा पकडला…
Editor Chandu Aage 
श्रीरामपूर शहरात विक्रीसाठी आलेला गावठी कट्टा पकडला…
श्रीरामपूर (शिवप्रहार न्युज)-श्रीरामपुरात विक्रीसाठी आलेला गावठी कट्टा पोलिसांनी पकडला असून एकाला अटक केली आहे.
याबाबतची अधिक माहिती अशी की, एलसीबीला गुप्त माहिती कळाली की, श्रीरामपुरात एक इसम गावठी कट्टा विकण्यासाठी येत आहे. त्यावरून एलसीबीच्या पथकाने मिळालेल्या माहितीनुसार सूतगिरणी फाटा,रेल्वे फाटकाजवळ, दत्तनगर या ठिकाणी जावून सदर व्यक्तीचा शोध घेतला. मिळालेल्या माहितीनुसार केलेल्या वर्णनाप्रमाणे एक इसम रेल्वे फाटकाजवळ उभा दिसला. पोलिसांनी छापा टाकून त्याला पकडले.
तेव्हा त्याने त्याचे नाव इम्तियाज उर्फ बबलू अजिज शहा,वय - ३२,रा. काझीबाबारोड, पाण्याच्या टाकीजवळ,वॉर्ड नं. २, श्रीरामपूर असे सांगितले.पोलिसांनी त्याची झडती घेतली असता त्याच्या कंबरेला एक गावठी कट्टा खोचलेला होता. त्याबरोबर २ जिवंत काडतूसही पोलिसांना मिळून आले. पोलिसांनी ३१ हजार रूपयांचा हा मुद्देमाल जप्त करून सदर इसमावर गुन्हा दाखल केला आहे. याप्रकरणी पुढील तपास श्रीरामपूर शहर पोलीस करीत आहेत.सदरचा कट्टा विक्रीसाठी आणला होता असे समजते.
