शिवप्रहार न्यूज - श्रीरामपूर MIDC मध्ये खून ? चेहरा छिन्नविच्छिन्न झालेली तरूणाची डेड बॅाडी सापडली…
Editor Chandu Aage 
श्रीरामपूर MIDC मध्ये खून ? चेहरा छिन्नविच्छिन्न झालेली तरूणाची डेड बॅाडी सापडली…
श्रीरामपूर (शिवप्रहार न्यूज)- श्रीरामपूर MIDC मधील वाकडी रोडवर असणाऱ्या विठ्ठल रुक्मिणी रुक्मिणी (यशवंत बाबा चौकी) मंदिरापासून जवळच्या अंतरावर रस्त्यापासून 700 ते 800 फूट आतमध्ये एक मृतदेह आज दिनांक 18 रोजी दुपारी 4 च्या सुमारास आढळून आला आहे.
सदर मृतदेहाच्या अंगात लाल रंगाचे स्वेटर, पांढऱ्या रंगाचा शर्ट, आकाशी रंगाची जीन्स, पायात स्पोर्टस् बूट, निळी वेन्यू कंपनीची अंडरवेअर परिधान केलेले आहे. सदर मृतदेह च्या तोंडावर कोणत्यातरी टणक वस्तूने जोरात मारल्याचे प्रथमदर्शी दिसत आहे.त्यामुळे चेहरा छिन्नविच्छिन्न झालेला आहे.
घटनास्थळी पोलीस निरीक्षक हर्षवर्धन गवळी फौजफाट्यासह दाखल झाले असून पुढील तपास सुरू झाला आहे. घटनास्थळी ॲम्बुलन्सही दाखल झाली आहे.दरम्यान श्रीरामपूरच्या अप्पर पोलीस अधीक्षक श्रीमती दिपाली भोर यांनी देखील घटनास्थळी भेट दिली.
तसेच बेलापूर येथील व्यापारी गौतम हिरण यांचे अपहरण करून त्यांचा खून करून त्यांचा मृतदेह याच परिसरात टाकण्यात आला होता.आता पुन्हा याच भागात मृतदेह सापडल्याने प्रचंड खळबळ उडाली आहे.
