शिवप्रहार न्यूज-श्रीरामपूर बाजारपेठेत भुरट्या चोरांचा सुळसुळाट;बजरंगनगर मधील एका महिलेची मौल्यवान वस्तू असलेली पर्स चोरली…
Editor Chandu Aage 
श्रीरामपूर बाजारपेठेत भुरट्या चोरांचा सुळसुळाट;बजरंगनगर मधील एका महिलेची मौल्यवान वस्तू असलेली पर्स चोरली…
श्रीरामपूर - श्रीरामपूर शहरातील मेन रोड व छत्रपती शिवाजी महाराज रोड या भागातील मार्केटमध्ये दिवाळी निमित्ताने नागरिकांनी मोठी गर्दी केलेली असते.त्याचाच फायदा भुरटे चोर घेत असल्याचे दिसत आहे.
काल सायंकाळच्या सुमारास बजरंगनगर,वार्ड -०७ या भागात राहणाऱ्या एका महिलेची पर्स मेनरोड वरील ममता स्वीट भागातून चोरट्याने चोरून नेली.या पर्समध्ये सोन्याचे दागिने व रोख रक्कम असा चाळीस हजार रुपयांचा मुद्देमाल होता.
याप्रकरणी पोलिसांनी नमुद महिलेला आज पोलीस स्टेशनला बोलावले आहे.दोन- तीन दिवसापूर्वी मोबाईल चोरीच्या अनेक घटना बाजारपेठेत घडल्या होत्या.त्यामुळे दिवाळीत चोरांचा सुळसुळाट झाल्याचे दिसत आहे.दिवाळी निमित्ताने शहर पोलिसांची पेट्रोलिंग चालू असून यामध्ये वाढ करण्याची आवश्यकता दिसून येते.
