शिवप्रहार न्यूज- हिद सेवा मंडळाचे सेवा कार्य अविरत सुरु रहाणार-प्रा शिरिष मोडक....

हिद सेवा मंडळाचे सेवा कार्य अविरत सुरु रहाणार-प्रा शिरिष मोडक....

श्रीरामपूर- स्व दादा जोशींची प्रेरणा तसेच जेष्ठ मार्गदर्शक हेरंब जी आवटी, राजाभाऊ मुळे, ब्रिजलालजी सारडा यांच्या मार्गदर्शनाखाली हिंद सेवा मंडळाचे सेवा कार्य अविरत सुरू राहील अशी ग्वाही मंडळाचे विद्यमान अध्यक्ष प्रा शिरीष मोडक यांनी दिली आहे.

श्रीरामपूर नगर परिषदेच्या वतीने सुरू करण्यात आलेल्या मोफत कोवीड सेंटरला हिद सेवा मंडळाचे तर्फे पंचवीस हजार रुपयांची मदत औषध खरेदीसाठी देण्यात आली. 

विद्यमान नगराध्यक्षा अनुराधा आदिक , नगरपालीकेचे मुख्याधिकारी गणेश शिंदे, डॉ सचिन पन्हे यांनी ही मदत स्वीकारली. यावेळी मंडळाचे अध्यक्ष प्रा शिरीष मोडक मानद सचिव संजय जोशी, कार्याध्यक्ष अजित बोरा, उपकार्याध्यक्ष अशोक ऊपाध्ये, सहसचिव अनिल देशपांडे ,नगरसेवक राजेंद्र पवार , अमोल कोलते , रणजीत श्रीगोड, दिपक कुर्हाडे , अधिक जोशी, कल्याण लकडे ,ओंकार जोशी, बाळू गोर्डे.... आदी उपस्थित होते. या वेळी संजय जोशी हे मनोगत व्यक्त करतांना म्हणाले की,नगरपालीकेने गोरगरिबांसाठी शहरात कोवीड सेंटर सुरू केले त्याबद्दल नगराध्यक्ष आदिक यांना धन्यवाद . तसेच पालिकेच्या विनामूल्य सेवेचे कौतुक करून येथील सर्व डॉक्टर,परिचारिका आरोग्य सेवक यांनाही धन्यवाद . कोवीड महामारीपासून रक्षण आणि बचाव करण्यासाठी सामूहिक प्रयत्न करण्याची आवश्यकता असल्याचे ते म्हणाले. हिद सेवा मंडळ सातत्याने आपले दायित्व पूर्ण करण्यासाठी कटिबद्ध राहिल असे त्यांनी शेवटी नमूद केले.