शिवप्रहार न्युज - आज दुपारी श्रीरामपुरात दोघे चिटकून जखमी; एकाला नगरला हलवले
Editor Chandu Aage 
आज दुपारी श्रीरामपुरात दोघे चिटकून जखमी; एकाला नगरला हलवले
श्रीरामपूर (शिवप्रहार न्यूज)- श्रीरामपूर तालुक्यातील वडाळा महादेव येथे महावितरणची नवीन वायर टाकण्याचे काम सुरू असताना दोघेजण वायरीचा करंट लागून जखमी झाल्याचा प्रकार आज दि.०४ ॲाक्टोबर रोजी शुक्रवारी दुपारी घडला आहे. जखमी झालेल्यांमध्ये महावितरणचे सुशांत जाधव व वडाळा महादेव येथील सुनिल पवार यांचा समावेश आहे.
दरम्यान जखमी सुशांत जाधव यांच्यावर शहरातील साखर कामगार रुग्णालयात उपचार सुरू असून त्यांची प्रकृती स्थीर आहे.तर गंभीररित्या जखमी झालेले सुनील पवार यांना पुढील उपचारासाठी नगर येथे खाजगी रुग्णालयात ॲम्ब्यूलन्सद्वारे हलवण्यात आले आहे.सुनील पवार हे महावितरण मध्ये कॉन्ट्रॅक्ट बेसवर कामाला असल्याचे समजते.
