शिवप्रहार न्युज - उमेदवार मा.आ. भाऊसाहेब कांबळेंवर गोळीबार; तिघांवर गुन्हा...
Editor Chandu Aage 
उमेदवार मा.आ. भाऊसाहेब कांबळेंवर गोळीबार; तिघांवर गुन्हा...
श्रीरामपूर (शिवप्रहार न्युज)- श्रीरामपूर मतदारसंघातून शिवसेनेकडून उमेदवारी करत असलेले माजी आमदार भाऊसाहेब कांबळे यांच्यावर रात्री १ वाजता अशोक कारखान्याच्या गेटसमोर गोळीबार करण्याचा धक्कादायक प्रकार घडला आहे. माजी आमदार कांबळे हे रात्री १ वाजता मातापुरहुन श्रीरामपूर कडे बोलेरो गाडीतून आपल्या सहकाऱ्यांसह येत असताना अज्ञात ३ जणांनी दोन मोटरसायकल वरून त्यांचा पाठलाग करत अशोक कारखान्याचे गेट समोर कांबळे ची गाडी असताना त्यांच्या गाडीच्या दिशेने गोळीबार केला. यावेळी ड्रायव्हरच्या प्रसंगावधानामुळे गोळी हवेत गेली.
याप्रकरणी मा.आ.कांबळे यांनी श्रीरामपूर शहर पोलिसात फिर्याद दिल्यावरून गोळीबार करणाऱ्या अज्ञात तिघा आरोपींविरुद्ध भादवी कलम १२५, ३, ५ सह आर्मऍक्ट ३ (२५) प्रमाणे गुन्हा दाखल करण्यात आला आहे. दरम्यान उमेदवारावर अशाप्रकारे गोळीबार करण्याचा प्रकार पहिल्यांदाच घडल्याने श्रीरामपूरसह जिल्ह्यात खळबळ उडाली आहे.
