शिवप्रहार न्युज - मुख्यमंत्री शिंदे व उपमुख्यमंत्री फडणवीस यांचा फोटो गायब;श्रीरामपुरात चर्चेला उधाण…
Editor Chandu Aage 
मुख्यमंत्री शिंदे व उपमुख्यमंत्री फडणवीस यांचा फोटो गायब;श्रीरामपुरात चर्चेला उधाण…
श्रीरामपूर ( शिवप्रहार न्युज)आज श्रीरामपुरात लहु कानडे यांच्या प्रचारार्थ उपमुख्यमंत्री अजितदादा पवार यांची जाहिर सभा झाली. यासाठी शहरातील प्रमुख रस्त्यावर कमानी उभारण्यात आल्या या कमानींवर अजितदादा पवार ,राधाकृष्ण विखे पाटील,अविनाश आदिक,अनुराधा आदिक चंदशेखर कदम यांचे फोटो होते.
एकीकडे कानडे हे महायुतीचे उमेदवार सांगितले जात असतांना दुसरीकडे मात्र या कमानीवर एकनाथ शिंदे व देवेंद्र फडणवीस यांचे फोटो टाळण्यात आल्याचे दिसले. त्यामुळे आता राष्ट्रवादीला भाजपाचे फडणवीस व शिवसेनेचे मुख्यमंत्री शिंदे यांची गरज नाही का ? की निवडणुकीनंतर काही वेगळा राजकीय डाव असणार ? अशा वेगवेगळ्या चर्चा श्रीरामपुरात सुरु आहे.दरम्यान भाऊसाहेब कांबळे हे शिवसेनेचा धनुष्यबाण घेवून निवडणुक रिंगणात कायम राहणार आहे असे त्यांनी काल स्पष्ट केले आहे.
