शिवप्रहार न्यूज -वडापाव वरून श्रीरामपुरात महीलेचे दोन बोटं केले फ्रॅक्चर...
Editor Chandu Aage 
वडापाव वरून श्रीरामपुरात महीलेचे दोन बोटं केले फ्रॅक्चर...
श्रीरामपूर -याबाबतची हकीकत अशी की,फिर्यादी हिना नजीर बागवान, वय 35 वर्षे,राहणार-बजरंग चौक,वॉर्ड नंबर 2, श्रीरामपूर यांच्या मेव्हण्याच्या मिल्लतनगर येथील वडापावच्या टपरीवर एक लहान मुलगा आला व त्याने हातगाडीवरील वडीपाव उचलून घेवुन त्याच्या पॅंटच्या खिशात घातला. याचा राग आल्याने फिर्यादीच्या मेव्हण्याने त्या मुलाला फटका मारला.
ही बाब लहान मुलाचे घरचे यांना समजताच आरोपी मुस्ताक बागवान,आसिफ बागवान,जबीन बागवान,दानिश बागवान इ. सर्व राहणार- बजरंग चौक यांनी फिर्यादी हिना बागवान यांच्या डाव्या हातावर पाईपने मारहाण केली. त्यामध्ये हिना यांचे दोन बोट गंभीर दुखापत होऊन फ्रॅक्चर झालेले आहे.
या वेळी आरोपींनी हिना बागवान यांच्या नातेवाईकांना देखील सायकलच्या चैनने मारहाण केली. या घटनेवरून हिना बागवान यांनी दिलेल्या तक्रारीनुसार श्रीरामपूर शहर पोलीस ठाणे गुन्हा रजिस्टर नंबर 360/2021 कलम 326,323 इत्यादी प्रमाणे गुन्हा दाखल करण्यात आला आहे.
