शिवप्रहार न्यूज- बेलापुरात भावबंदात तुफान हाणामारी;एक जण सिरीअस…
Editor Chandu Aage 
बेलापुरात भावबंदात तुफान हाणामारी;एक जण सिरीअस…
बेलापुर (दिलीप दायमा/प्रतिनिधी )-पत्र्याच्या शेजारी असलेल्या शेडजवळ गवत का पेटविले याचा जाब विचारल्याने बडधे कुटुंबात तुफान हाणामारी झाली असुन पोलीसांनी सहा जणाविरुध्द जिवे ठार मारण्याचा प्रयत्न केल्याचा गुन्हा दाखल केला आहे .
बेलापुर खूर्द येथील बडधे कुटुंबात गेल्या अनेक वर्षापासून वाद होते.त्या वादाचे पर्यावसण आज तुफान हाणामारीत झाले.या वेळी लाकडी दांडके गज कुऱ्हाड आदिंचा वापर करण्यात आला .बेलापुर खूर्द येथील बडधे वस्ती येथे राहणारे सुभाष मुरलीधर बडधे यांच्या शेजारी राहणारे अजित मच्छिंद्र बडधे व इतरांनी त्यांच्या पत्र्याच्या शेडलगत गवत व पाचट आणून टाकले व ते पेटविले त्यामुळे सुभाष बडधे यांच्या पत्र्याला आगीच्या झळा पोहोचल्या त्याचा जाब विचारण्यासाठी सुभाष मुरलीधर बडधे ,सुनिल सुभाष बडधे ,पांडूरंग सुभाष बडधे ज्योती सुनिल बडधे हे गेले असता आगोदरच तयारीत असणाऱ्या अजित मच्छिंद्र बडधे शरद मच्छिंद्र बडधे ओमकार मच्छिंद्र बडधे ,भाऊसाहेब कारभारी बडधे सोनाली आजित बडधे तुळसाबाई मच्छिंद्र बडधे यांनी लाठ्या काठ्या गज व कुऱ्हाडीचा वापर करुन चौघांना गंभीर जखमी केले या चौघावर श्रीरामपुरातील शिरसाठ यांच्या दवाखान्यात उपचार सुरु असुन एकाची प्रकृती गंभीर आहे .
पोलीसांनी ज्योती सुनिल बडधे यांच्या फिर्यादीवरुन अजित बडधे ,शरद बडधे ,ओमकार बडधे ,भाऊसाहेब बडधे सोनाली बडधे तुळसाबाई बडधे यांचे विरुध्द गुन्हा रजिस्टर नंबर १५३/२०२२ नुसार भादवि कलम १४३,१४७,१४८,१४९,३२४,३२३,३०७,५०४,५०६ प्रमाणे गुन्हा दाखल करण्यात आला असुन पोलीस निरीक्षक संजय सानप यांच्या मार्गदर्शनाखाली सहाय्यक पोलीस निरीक्षक कृष्णा घायवट हे पुढील तपास करत आहे
