शिवप्रहार न्यूज - श्रीरामपुरात वाळू तस्करांचा विजय हॉटेल पासून विश्व हॉटेल पर्यंत धुमाकुळ;टपरी ला ठोकले...
Editor Chandu Aage 
श्रीरामपुरात वाळू तस्करांचा विजय हॉटेल पासून विश्व हॉटेल पर्यंत धुमाकुळ;टपरी ला ठोकले...
श्रीरामपूर - श्रीरामपूर शहरातील वार्ड नंबर सात भागात असणारे विजय हॉटेलच्या पाठीमागे आरोपी नितीन गायकवाड व राजेंद्र बाणेदार, राहणार -वार्ड नंबर 1 ,गोंधवणी रोड,श्रीरामपूर हे पिकअप गाडीने चोरटी वाळू वाहतूक करताना मिळून आल्याने तलाठी अरुण हिवाळे यांनी त्यांना पोलीस स्टेशनला गाडी घेण्यास सांगितले.
परंतु या दोन्ही आरोपींनी पिकअप गाडी ही पोलीस स्टेशनला न नेता त्या ठिकाणाहून भरधाव वेगाने चालवून हरेगाव फाटा येथे विश्व हॉटेल पर्यंत नेली व तेथे विश्व हॉटेल समोरील टपरीला जोरदार धडक देऊन टपरी मालक संजय रुद्राक्षे ,राहणार- इंदिरानगर यांच्या टपरीची मोठे नुकसान केले.
याप्रकरणी तलाठी श्री.अरुण हिवाळे यांच्या तक्रारीनुसार श्रीरामपूर शहर पोलीस ठाण्यात गुन्हा रजिस्टर नंबर 523/2021 भादवि कलम 379,118,289,427 सह भारतीय पर्यावरण कायदा कलम 3/15 व मोटार वाहन कायदा कलम 184 प्रमाणे गुन्हा दाखल करण्यात आला आहे.
या दोन्ही आरोपींना काल रात्री उशिरा श्रीरामपूर पोलिसांनी अटक केली आहे.गुन्ह्याचा तपास पोलीस निरीक्षक श्री.सानप यांच्या मार्गदर्शनाखाली पोलीस नाईक वांडेकर हे करीत आहेत.
