शिवप्रहार न्यूज -श्रीरामपुरातील दारू दुकानातून जवळपास दोन लाखाची संत्रा चोरीला; सीसीटीव्ही पण काढून नेला
Editor Chandu Aage 
श्रीरामपुरातील दारू दुकानातून जवळपास दोन लाखाची संत्रा चोरीला; सीसीटीव्ही पण काढून नेला...
श्रीरामपूर -श्रीरामपूर शहरातील अशोक नगर फाट्याजवळ असणाऱ्या एका सरकारमान्य देशी दारूच्या दुकानाचे शटर तोडून चोरी झाल्याची घटना घडली आहे.
या देशी दारू च्या दुकानाचे लोखंडी शटर उचकाटुन चोरट्याने आत मध्ये प्रवेश केला.त्यानंतर चोरट्यांनी दुकानातील सीसीटीव्ही कॅमेरा तोडून- फोडून त्याचे नुकसान केले.तसेच चोरट्यांनी काऊंटरच्या लोखंडी दरवाजाचे कुलूप तोडून आतील गोडाउन मधील एक लाख 96 हजार रुपये किमतीची देशी भिंगरी संत्रा दारू व तोडलेले सीसीटीव्ही कॅमेरे त्याच्या डिव्हीआर या मशीनसह चोरून नेले.
याबाबत फिर्यादी हर्षल महेंद्र गुप्ता ,वय 32 वर्षे,व्यवसाय-हॉटेल राहणार- दशमेश नगर ,वार्ड नंबर 1,गुप्ता निवास ,श्रीरामपूर यांनी काल दिनांक 8/6/2021 रोजी रात्री उशिरा श्रीरामपूर शहर पोलीस ठाण्यात फिर्याद दिली.त्यावरून गुन्हा रजिस्टर नंबर 355/2021 भादवि कलम 457, 380,427 प्रमाणे चोरी घरफोडीचा गुन्हा दाखल करण्यात आला आहे.
या घटनेची माहिती समजताच श्रीरामपूर शहर पोलिस स्टेशनचे पोलीस निरीक्षक श्री.सानप यांनी तात्काळ घटनास्थळी भेट दिली.या गुन्ह्याचा पुढील तपास पोलीस उपनिरीक्षक श्री.सुरवडे हे करीत आहेत.
