शिवप्रहार न्यूज -३ दिवसापासुन बेपत्ता असलेल्या पढेगाव येथील भाजीपाला विक्रेत्याचे  प्रेत बेलापुरच्या नदीत आढळले ...

३ दिवसापासुन बेपत्ता असलेल्या पढेगाव येथील भाजीपाला विक्रेत्याचे  प्रेत बेलापुरच्या नदीत आढळले ...

बेलापुर  (प्रतिनिधी)- आज प्रवरा नदी पात्रात अनोळखी ईसमाचे प्रेत आढळून आले असुन प्रवरा नदीच्या पुलावर एक हीरो होंडा मोटारसायकल सापडली आहे. मोटार सायकलमध्ये असलेल्या कागदपत्रावरुन संबधीत ईसमाची ओळख पटली आहे.
         अधिक माहीती अशी की,बेलापुर येथील प्रवरा नदी पात्रात अनोळखी इसमाचे प्रेत पाण्यावर तरंगत असताना काही व्यक्तींनी पाहीले.त्यांनी तातडीने बेलापुर पोलीसांना तसेच उपसरपंच खंडागळे यांना कळविले.त्यावरुन बेलापुर पोलीस स्टेशनचे हवालदार अतुल लोटके,पोलीस काँन्स्टेबल पोपट भोईटे, उपसरपंच अभिषेक खंडागळे रमेश अमोलीक,देविदास देसाई,किशोर कदम तातडीने घटनास्थळी पोहोचले.याच दरम्यान प्रवरा नदीवरील पुलावर एक मोटारसायकल उभी असल्याची माहीती मिळताच हवालदार लोटके,मा.सरपंच साळुंके यांनी प्रवरा नदीवरील पुलावर जावुन गाडीची पहाणी केली असता एम एच 17 ऐ एल 5198  ही हीरो होंडा कंपनीची गाडी  हँण्डल लाँक केलेल्या अवस्थेत रस्त्याच्या कडेला लावलेली होती. गाडीच्या लोखंडी डिक्कीत खराब झालेला भाजीपाला , वजनकाटा,एक पिशवी तसेच एक डायरी आढळून आली.या डायरीत शंकर उत्तम गलांडे नावाच्या व्यक्तीचे ओळखपत्र तसेच काही फोन नंबर असलेली चिठ्ठी सापडली.त्यावरुन संपर्क साधला असता शंकर हा तीन दिवसापासुन घरी आलेला नसल्याचे नातेवाईकांनी सांगितले.
      त्यानंतर पोलीसांनी खटकाळी येथील गणेश अल्हाट,नितीन जगताप, दिनेश शेलार, विश्वास बागुल,सुरेश छल्लारे या पट्टीच्या पोहणार्या तरुणांना बोलावुन ते प्रेत पाण्याबाहेर काढण्यात आले.पढेगाव येथील नातेवाईकांनी ते प्रेत शंकर उत्तम गलांडे, वय वर्ष 31 याचेच असल्याचे सांगितले.
      बेलापुर पोलीसांनी पंचनामा करुन प्रेत पुढील तपासणीसाठी श्रीरामपुर येथे पाठविले आहे .त्यावरुन पोलीसांनी अकस्मात मृत्यू रजिस्टर नंबर 55/2021 प्रमाणे नोंद दाखल केली असुन पुढील तपास हवालदार अतुल लोटके हे करत आहे.