शिवप्रहार न्यूज- बेलापुरात भुकेल्या बिबट्याने ०४ गाभण शेळ्यांच्या फरशा पाडला....
Editor Chandu Aage 
बेलापुरात भुकेल्या बिबट्याने ०४ गाभण शेळ्यांच्या फरशा पाडला....
बेलापूर (प्रतिनिधी-दिलीप दायमा)-
बेलापूर खुर्द मधील केशव गोविंद बन रस्त्यावरील पुजारी वस्ती येथे रात्री एका भुकेल्या बिबट्याने चार गाभण शेळ्यांचा फडशा पाडला. काल रात्री केशव गोविंद बन रस्त्यावरील पुजारी वस्ती वरील रहवासी श्री.दत्तात्रय सुखदेव पुजारी यांच्या गट नंबर 307 या क्षेत्रामध्ये पुजारी यांच्या मालकीच्या चार शेळ्यावर मध्यरात्रीच्या सुमारास अचानक पणे बिबट्याने हल्ला करून चारही शेळ्यांचा फाडशा पाडला आहे. चारही शेळ्या गाभण होत्या एका शेळी ची किंमत बारा तेरा हजार रुपये असल्याने पुजारी यांचे जवळपास 50 हजार रुपयांचे नुकसान झाले आहे. दरम्यान सकाळी घटनेची माहिती मिळताच वन अधिकाऱ्यांनी घटनास्थळी भेट दिली. या परिसरात बिबट्यासाठी पिंजरा लावण्याची मागणी नागरिकांनी केली आहे.
