शिवप्रहार न्युज - अवैध वाळू उत्खनन करणारा जेसीबी, डंपरसह दोन आरोपी जेरबंद26 लाखाचा मुद्देमाल जप्तश्रीरामपूरचे Dysp संदीप मिटके यांच्या पथकाची शेवगावात पहाटे कारवाई

अवैध वाळू उत्खनन करणारा जेसीबी, डंपरसह दोन आरोपी जेरबंद

26 लाखाचा मुद्देमाल जप्त

श्रीरामपूरचे Dysp संदीप मिटके यांच्या पथकाची शेवगावात पहाटे कारवाई

नेवासा(शिवप्रहार न्युज)- शेवगांवमध्ये आज पहाटेच्या सुमारास नानी नदी पात्रामध्ये पोलिसांनी वाळू उत्खनन, चोरीवर कारवाई करत जेसीपी, डंपरसह दोन आरोपींना जेरबंद केले.

याबत अधिक माहिती अशी की,आज दि.11/11/2022 रोजी डीवायएसपी संदीप मिटके यांना गुप्त बातमीदार मार्फत माहिती मिळाली की, शेवगाव तालुक्यातील खरडगाव येथील नानी नदीपात्रातून चोरून वाळू वाहतूक करत आहेत. त्यानुसार त्यांनी आपले पथकातील अधिकारी व अंमलदार यांना सदर ठिकाणी जाऊन छापा घालण्याचे आदेश दिल्याने त्यानुसार सदर पथकाने छापा घालून चोरटी वाळू वाहतूक करताना मिळून आल्याने आरोपी क्र.1) अश्पाक सुलेमानं शेख याचे ताब्यातून एक पिवळ्या रंगाचा जेसीबी एकूण 20,00,000/- रुपयांचा आणि

आरोपी क्र) 2 गणेश चंद्रकांत केदार याचे ताब्यातून एक आकाशी रंगाचा डम्पर व 3 ब्रास वाळू असा 6,15,000/- रुपयांचा मुद्देमाल असा दो न्ही मिळून एकूण 26,15000 रुपयांचा मुद्देमाल हस्तगत केला. आरोपी विरुध्द PC सचिन काकडे यांच्या फिर्यादीवरून शेवगाव पोलीस स्टेशन जि.अहमदनगर येथे गुरंन. 821/2022 , भादंवि कलम 379, 34 प्रमाणे गुन्हा दाखल करण्यात आला आहे.

सदरची कारवाई राकेश ओला पोलीस अधीक्षक, अपर पोलीस अधीक्षक स्वाती भोर, Dysp संदीप मिटके, यांचे मार्गदर्शनाखाली पीएसआय भाटेवाल , हेकॉ सुरेश औटी, पोकॉ नितीन शिरसाठ, नितीन चव्हाण, सचिन काकडे, विलास उकीर्डे आदींनी केली.