शिवप्रहार न्यूज- श्रीरामपूर शहरात “हम पुरी तैयारी में है”म्हणत भेळ विक्रेत्याला धमकी…
Editor Chandu Aage 
श्रीरामपूर शहरात “हम पुरी तैयारी में है”म्हणत भेळ विक्रेत्याला धमकी…
श्रीरामपूर -शहरात 'हम पुरी तैयारी में है' म्हणत गोंधवणी रोड परिसरात भेळ विक्रेत्याला धमकी देण्याचा प्रकार रात्री १० च्या सुमारास घडला.
याप्रकरणी नितीन शिवाजी लांबोळे, रा.गोंधवणी रोड, झिरंगेवस्ती, श्रीरामपूर या तरूणाने श्रीरामपूर शहर पोलिसात फिर्याद दिल्यावरून आरोपी अकिल सुन्नाभाई, वय -५५, रा. गुलशन चौक, वा.नं. २, श्रीरामपूर याच्याविरूद्ध भादंवि कलम ५०४, ५०६ प्रमाणे एनसी गुरनं ४९५ दाखल करण्यात आला असून नितीन शिवाजी लांबोळे या तरूणाने फिर्यादीत म्हटले आहे की, गोंधवणी रोड येथे मोठा भाऊ निलेश लांबोळे हा त्याच्या विजय फरसाण दुकान येथे असताना आरोपी अकिल सुन्नाभाई दुकानात पत्नीसह आला. त्याने १०० रूपयांची भेळ घेतली व दोन किलो रद्दी मागितली. तेव्हा रद्दी शिल्लक नाही, असे सांगितले असता अकिल सुन्नाभाई म्हणाला की, ' दंगल होने दो, हम पुरी तैयारी में है' असे म्हणत दमदाटी करत निघून गेला.
घटनास्थळी पोनि खाडे यांनी भेट दिली. सपोनि पाटील हे पुढील तपास करीत आहेत. "पुरी तैयारी में है" हा काय प्रकार आहे याचा पोलीस तपास करीत आहे.
