शिवप्रहार न्यूज -जेवणानंतर शतपावली करत असतांना श्रीरामपूरातील महिला डॉक्टरचा मोबाईल हिसकावून नेला...

जेवणानंतर शतपावली करत असतांना श्रीरामपूरातील महिला डॉक्टरचा मोबाईल हिसकावून नेला...

श्रीरामपूर - या घटनेची थोडक्यात हकीकत अशी की,सूर्या नगर,के के प्लाझा,वार्ड नंबर 7 श्रीरामपूर या ठिकाणी राहणार्या महिला डॉक्टर शितल सुधाकर हिवरकर, वय 42 वर्षे, या रात्रीचे जेवण झाल्यानंतर त्यांच्या घरासमोर फिरत असताना (शतपावली) त्या ठिकाणी एका काळ्या रंगाच्या मोटारसायकलवरून दोन आरोपी आले आणि त्त्यातील मागे बसलेल्या आरोपीने डॉक्टर शीतल हिवरकर यांच्या हातातील वीस हजार रुपये किमतीचा ओप्पो कंपनीचा मोबाईल फोन हिसकावून घेतला. 

      त्या दरम्यान झालेल्या गडबडीत तो फोन खाली जमिनीवर पडला.डॉक्टर शीतल यांनी तात्काळ त्यांचा मोबाईल फोन उचलुन घेतला. त्यामुळे मोटरसायकलवर मागे बसलेल्या आरोपीने मोटर सायकल वरून खाली उतरून डॉक्टर शीतल यांच्या हातातील मोबाईल हिसकावून डॉक्टर शीतल यांना जोराचा धक्का देवुन रोडवर पाडले.त्यानंतर हे दोन्ही चोरटे काळ्या रंगाच्या मोटरसायकल सह क्षणात पसार झाले.

       या घटनेवरून डॉक्टर शीतल हिवरकर यांनी श्रीरामपूर शहर पोलीस ठाण्यात दिलेल्या फिर्यादीवरून गुन्हा रजिस्टर क्रमांक 343/2021 भादवि कलम 394,34 प्रमाणे काल दिनांक 01/06/2021 रोजी रात्री उशिरा गुन्हा दाखल करण्यात आला. या घटनेची हकीकत समजताच श्रीरामपूर उपविभागाचे पोलीस उप अधीक्षक श्री.संदीप मिटके तसेच शहर पोलिस स्टेशनचे पोलीस निरीक्षक श्री.सानप यांनी तात्काळ घटनास्थळी भेट दिली.

      काळा रंगाच्या मोटरसायकलवर पसार होणाऱ्या या दोन्ही पाहिजे आरोपींचा पोलीस कसून शोध घेत असून या गुन्ह्याचा तपास पोलिस उपनिरीक्षक श्री.सुरवाडे हे करीत आहेत.