शिवप्रहार न्यूज- मंत्री ना.गडाख यांच्या पीएवर गोळीबार; हल्लेखोर पसार…
Editor Chandu Aage 
मंत्री ना.गडाख यांच्या पीएवर गोळीबार; हल्लेखोर पसार…
नेवासा- जलसंधारण मंत्री ना.शंकरराव गडाख यांचे पीए राहुल राजळे यांच्यावर काही अज्ञात हल्लेखोरांनी लोहगाव येथे जीवघेणा हल्ला केला. यावेळी ३ ते ४ अज्ञातांनी गोळीबार केला. राजळे यांच्यावर ५ गोळ्या झाडण्यात आल्या असल्याची माहिती समजते. ही घटना काल शुक्रवारी रात्री घडली.
राहुल राजळे आपल्या घरी परतत असताना हल्लेखोरांनी त्यांच्यावर गोळीबार केला. या गोळीबारात २ गोळ्या राजळे यांना लागल्याचे समजते.
राहुल राजळे यांना तातडीने उपचारासाठी अहमदनगर येथे हलवण्यात आले. रात्री उशीरा राजळे यांच्यावर शत्रक्रिया करण्यात येणार होती.
हा हल्ला कोणी केला, का केला? याचा पोलिस कसून तपास करत आहे.पलिसांनी रात्री परिसराची नाकाबंदी केली होती. दरम्यान ना.शंकरराव गडाखांच्या पीए गोळीबार झाल्याने खळबळ उडाली आहे.
