शिवप्रहार न्यूज- श्रीरामपुरात दुकानाला लागली भलीमोठी आग...
Editor Chandu Aage 
श्रीरामपुरात दुकानाला लागली भलीमोठी आग...
श्रीरामपूर -श्रीरामपूर शहरातील वार्ड नंबर एक भागात असणाऱ्या कर्मवीर चौकामध्ये एका गादी कारखान्याला आज दिनांक 27 जुलै रोजी अकरा ते साडे अकराच्या सुमारास मोठी आग लागल्याची घटना घडली आहे.
याबाबतची अधिक माहिती अशी की,कर्मवीर चौकात असणार्या आराम गादी सेंटर या गादीच्या दुकानाला काहीतरी शॉर्टसर्किट झाल्याने मोठी आग लागली. आगीचे व धुराचे लोळ आकाशात जात होते. त्यानंतर तात्काळ अग्निशमन दलाने येऊन आग विझवण्याचे काम केले.
यावेळी घटनास्थळावर श्रीरामपूरचे डीवायएसपी संदीप मिटके हे स्वतः हजर होते. उपस्थितांची देखील मोठी गर्दी जमली होती.
