शिवप्रहार न्यूज - वॉर्ड नंबर 1 मध्ये एकाला जीवे मारण्याचा प्रयत्न.
Editor Chandu Aage 
वॉर्ड नंबर 1 मध्ये एकाला जीवे मारण्याचा प्रयत्न...
श्रीरामपूर -श्रीरामपूर शहरातील वार्ड नंबर एक भागात असणाऱ्या रामनगर येथे राहणारे संदीप सुरेश कांबळे,वय 28 वर्ष ,धंदा -मजुरी यांच्या खुनाचा प्रयत्न करण्याची घटना घडली आहे.
अधिक माहिती अशी की आफताब सय्यद, इम्रान शहा,सोहेल शहा ,सर्व राहणार -वार्ड नंबर एक,श्रीरामपूर यांनी मिळून मागील भांडणाच्या कारणावरून संदीप कांबळे यांच्या हाताच्या दंडावर व पायाच्या नगडी वर तसेच इतर ठिकाणी कोयता व लोखंडी पाईपने बेदम मारहाण करून जीवे मारण्याचा प्रयत्न केला.
म्हणून श्रीरामपूर शहर पोलीस ठाण्यात खुनाच्या प्रयत्नाचा गुन्हा दाखल करण्यात आला आहे.या गुन्ह्यातील संवेदनशीलता लक्षात घेता यातील आरोपीला पोलिसांनी काल रात्री उशिरा अटक देखील केली आहे.गुन्ह्याचा तपास डीवायएसपी श्री.संदीप मिटके व पोलिस निरीक्षक श्री.सानप यांच्या मार्गदर्शनाखाली सहाय्यक पोलीस निरीक्षक श्री.पाटील हे करीत आहेत.
