शिवप्रहार न्यूज- एका रेल्वेतून उडी मारताना दुसऱ्या रेल्वेला धडकून श्रीरामपुरात तरुणाचा मृत्यू...
Editor Chandu Aage 
एका रेल्वेतून उडी मारताना दुसऱ्या रेल्वेला धडकून श्रीरामपुरात तरुणाचा मृत्यू...
श्रीरामपूर - श्रीरामपूर शहरातील फकिरवाडा,वार्ड नंबर एक येथे राहणारा मुजाहिद मस्तान शेख हा तरुण रात्री बारा वाजण्याच्या सुमारास श्रीरामपूर रेल्वे स्टेशन येथे त्याच्या मित्रांसह चोरी करण्याच्या उद्देशाने आला होता.
त्यावेळी नगर ट्रॅक नंबर एक वर महाराष्ट्र एक्सप्रेस आली आणि त्या गाडीमध्ये मुजाहिद चोरी करण्याच्या उद्देशाने घुसला परंतु रेल्वेतील प्रवास यांनी आरडाओरड केल्याने त्याने त्याच दरवाजातून बाहेर उडी मारली. नेमके त्याच वेळेस मनमाड हुन नगरकडे जाणारी हबीबगंज एक्सप्रेसने त्याला जोरदार धडक दिली.
यामध्ये तो जखमी झाल्याने त्याला कामगार हॉस्पिटलमध्ये दाखल करण्यात आले परंतु उपचारापूर्वीच तो मयत असल्याचे डॉक्टरांनी सांगितले.
पोलिसांना मुजाहिद शेख याच्या साथीदारांनी पोलीस चौकशीदरम्यान वरील माहीती दिली आहे.
