शिवप्रहार न्यूज-श्रीरामपुरात कल्याण मटका प्रकरणी“दोन सद्दाम “ पोलिसांनी पकडले...

श्रीरामपुरात कल्याण मटका प्रकरणी“दोन सद्दाम “ पोलिसांनी पकडले...

श्रीरामपूर - श्रीरामपूर शहरातील दोन सद्दाम शेख नावाच्या इसमांना पोलिसांनी काल कल्याण मटका खेळतांना पकडल्याची घटना घडली आहे. याबाबत हकीकत अशी की,पहिल्या घटनेमध्ये आरोपी सद्दाम शफिक शेख ,वय 29 वर्ष ,राहणार- एज्युकेशन हायस्कूल च्या पाठीमागे,वार्ड नंबर एक ,श्रीरामपूर हा काल 26/5/2021 रोजी दुपारी श्रीरामपूर बस स्टॅन्ड समोर विनापरवाना कल्याण मटका नावाचा जुगार खेळताना व खेळवतांना मिळून आला. म्हणून त्याच्याविरुद्ध पोलीस शिपाई श्री.किशोर जाधव यांनी दिलेल्या फिर्यादीवरून श्रीरामपूर शहर पोलीस ठाण्यात गुन्हा रजिस्टर नंबर 326/2021 महाराष्ट्र जुगार कायदा कलम 12 अ प्रमाणे गुन्हा दाखल करण्यात आला आहे.
           दुसऱ्या घटनेत आरोपी सद्दाम वजीर शेख,वय 24 वर्ष,राहणार -गुरूनानक नगर,वार्ड नंबर 1,श्रीरामपूर हा काल 26/5/2021 रोजी दुपारी अडीच वाजताच्या सुमारास डावखर रोड ,वार्ड नंबर 6 ,श्रीरामपूर या ठिकाणी एका टपरीच्या आडोशाला कल्याण मटका नावाचा जुगार खेळताना व खेळवतांना मिळून आला. 
म्हणून पोलीस शिपाई श्री.राहुल नरवाडे यांच्या फिर्यादीवरून श्रीरामपूर शहर पोलीस ठाण्यात गुन्हा रजिस्टर नंबर 327/2021 प्रमाणे गुन्हा दाखल करण्यात आला आहे.
           दोन्ही आरोपींकडून पोलिसांनी “मुद्देमाल “ जप्त केलेला आहे. या दोन्ही गुन्ह्यांचा तपास पोलीस निरीक्षक श्री.सानप यांच्या मार्गदर्शनाखाली पोलीस नाईक श्री.कोरडे हे करीत आहेत.
             हे दोन्ही सद्दाम शेख नावाचे आरोपी नेमके कोणत्या “मटकाकिंगचे पंटर”आहे. याचा शोध श्रीरामपूर शहर पोलीस स्टेशन कडून सुरू आहे.