शिवप्रहार न्यूज- बेलापुरात शिकारीच्या नादात शेळीसह तगडा बिबट्या पडला विहिरीत;सोबतच्या व्हिडीओत पोहतांना दिसतोय बिबट्या..
Editor Chandu Aage बेलापुरात शिकारीच्या नादात शेळीसह तगडा बिबट्या पडला विहिरीत;सोबतच्या व्हिडीओत पोहतांना दिसतोय बिबट्या...
बेलापूर/दिलीप दायमा - बेलापूर खुर्द मध्ये केशव गोविंद बनातील भगत वस्ती येथील शेतकरी श्री.रमेश भगत यांच्या विहिरीत काल 9 जून च्या रात्री शेळी पकडण्याच्या नादात शेळी सह बिबट्या विहिरीत पडला होता.
काल रात्रीच या घटनेची माहिती परिसरामध्ये वेगाने पसरली. बिबट्या व शेळी पडल्यानंतर स्थानिक ग्रामस्थांनी तसेच पत्रकारांनी वनविभागाला सदर घटनेची माहिती दिली.परंतु बराचसा कालावधी उलटूनही वन विभागाचे अधिकारी घटनास्थळी आले नाहीत.
त्यानंतर घाबरलेल्या शेळीला स्थानिक नागरिकांनी विहिरीतून बाहेर काढले. सदर घटनेची माहिती डीवायएसपी श्री.संदीप मिटके यांना देण्यात आली. अन् मग वनविभागाचे अधिकारी घटनास्थळी दाखल झाले. रेस्क्यु करुन बिबट्याला मध्यरात्री नंतर सुरक्षितरित्या पिंजऱ्यात जेरबंद करण्यात आले आहे.
या बिबट्याच्या आकारावरून ही गरोदर मादी असण्याची दाट शक्यता आहे.जवळपास पाच ते सहा तास हा बिबट्या विहिरीमध्ये पोहत होता.
