शिवप्रहार न्यूज- श्रीरामपुरात दूध घ्यायला चाललेल्या महिलेचे गंठण धूमस्टाईल लुटले…
Editor Chandu Aage 
श्रीरामपुरात दूध घ्यायला चाललेल्या महिलेचे गंठण धूमस्टाईल लुटले…
श्रीरामपूर - (प्रतिनिधी)
श्रीरामपूर शहरात दूध आणायला चाललेल्या महिलेच्या गळयातील ४० हजारांचे सोन्याचे मंगळसूत्र (गंठण)गळयातून ओढून, तोडून लुटून नेण्याचा प्रकार काल रात्री घडला आहे.
याबाबत सौ.मंजुषा मनोज राठी, वय ४९, रा. सेंट्रल बँके समोर, येनगे हॉस्पीटलशेजारी, वा.नं. ४, श्रीरामपूर या महिलेने शहर पोलिसात फिर्याद दिली की, मी कुंभारगल्ली येथे घोडे यांच्या घरी दूध आणण्यासाठी जात असताना गिरमे चौकाकडून जिजामाता चौकाकडे जाणाऱ्या एका दुचाकीवर आलेल्या दोघा जणांनी येवून गळयातील सोन्याचे मंगळसूत्र- चेन हिसका मारून तोडून लुटून नेले. मी आरडाओरडा करताच आरोपी कुंभार गल्लीतून धूमस्टाईल दुचाकीवरून फरार झाले. रात्री ८.४५ वा. हा प्रकार घडला.
या फिर्यादीवरून अज्ञात दोघा आरोपींविरूद्ध श्रीरामपूर शहर पोलिसात भादंवि कलम ३९४, ३४ प्रमाणे गुन्हा दाखल करण्यात आला असून डिवायएसपी मिटके,पोनि.सानप यांनी घटनास्थळी भेट दिली.
