शिवप्रहार न्यूज- श्रीरामपुरात वाळू पकडली;साडेतीन लाखाचा मुद्देमाल मिळाला...
Editor Chandu Aage 
श्रीरामपुरात वाळू पकडली;साडेतीन लाखाचा मुद्देमाल मिळाला...
श्रीरामपूर -श्रीरामपूर शहरातील मिल्लतनगर ते गोंधवणी रोड येथील पुलाजवळ वार्ड नंबर एक भागात काल पोलिसांनी वाळू तस्करी करताना एक ट्रॅक्टर व आरोपी याला पकडले.
याबाबतची अधिक माहिती अशी की,आरोपी गंगाधर गोरक्षनाथ सोनवणे,वय 35 वर्षे,राहणार- गोंधवणी,वार्ड नंबर 1,श्रीरामपूर हा त्याच्या ताब्यातील सोनालिका कंपनीचा ट्रॅक्टर व त्यात भरून वाळू असा एकूण तीन लाख 54 हजार रुपयांचा मुद्देमालासह वाळू वाहतूक करताना मिल्लत नगर पुलाजवळ पोलिसांच्या तावडीत सापडला.
या बाबत पोलीस शिपाई नरवडे यांच्या तक्रारीवरून श्रीरामपूर शहर पोलीस ठाण्यात गुन्हा रजिस्टर नंबर 427/2021 अन्वये चोरीचा गुन्हा दाखल करण्यात आला आहे.
यावेळी घटनास्थळी पीएसआय श्री.घायवट यांनी भेट दिली.पुढील तपास पोलीस निरीक्षक श्री.सानप यांच्या मार्गदर्शनाखाली पोलीस नाईक श्री.पवार हे करीत आहेत.
