शिवप्रहार न्यूज- श्रीरामपूरच्या आरोपींनी राहत्यात केला खून;एलसीबी कडून आरोपी बारा तासात जेरबंद...

श्रीरामपूरच्या आरोपींनी राहत्यात केला खून;एलसीबी कडून आरोपी बारा तासात जेरबंद...

श्रीरामपूर- राहाता तालुक्यातील एकरुखे गावात राहणारे दिलीप आभाळे हे काल गणेशनगर येथे पेट्रोल भरण्यासाठी जात असताना गणेशनगर फाट्याजवळ काही तृतीयपंथींनी त्यांच्याकडे पैशाची मागणी केली.त्यावेळी झालेल्या वादात चार तृतीयपंथी आरोपींनी त्यांच्या इतर साथीदारांच्या मदतीने श्री.दिलीप आभाळे यांचा एकरूखे गावामध्ये जाऊन लाकडी दांडक्याने मारहाण करून खून केला.

       त्यावरून राहता पोलीस ठाण्यात काल खुनाचा गुन्हा दाखल करण्यात आला आहे.याप्रकरणी स्थानिक गुन्हे शाखेचे पोलीस निरीक्षक श्री.अनिल कटके यांनी तात्काळ स्वतंत्र पथके नेमून गुन्ह्यातील प्रथम आरोपी ०१)सचिन उत्तम जाधव उर्फ संचिता तमन्ना पवार,वय 26 वर्ष,याच्यासह ०२)विकास दशरथ धनवडे उर्फ रूपाली सलोनी शेख, वय-पंचवीस वर्ष,०३)आनंद फौजी शेलार उर्फ रूचिरा सलोनी शेख वय 20 वर्ष,०४)लक्ष्मण शंकर वायकर उर्फ लक्ष्मी सलोनी शेख, वय 20 वर्ष,०५)अभिजीत उर्फ गोट्या बाळू पवार,वय 23 वर्षे ०६)गौरव उर्फ सनी भागवत पवार, वय 19 वर्ष,०७)राहुल उत्तम सोनकांबळे,वय 22 वर्ष, ०८)अरबाज सत्तार शेख अशा आरोपींना श्रीरामपूर शहर व खंडाळा गाव व इतर भागातून अटक केली असून हे आरोपी श्रीरामपूर शहर व खंडाळा गावचे रहिवासी आहेत.

      सदरची कामगिरी पोलीस माननीय पोलीस अधीक्षक श्री.मनोज पाटील,अप्पर पोलीस अधीक्षक श्रीमती डॉक्टर दिपाली काळे,शिर्डी डीवायएसपी श्री.संजय सातव,पोलीस निरीक्षक श्री.अनिल कटके यांच्या मार्गदर्शनाखाली स्थानिक गुन्हे शाखेचे पोलिस उपनिरीक्षक श्री.सोपान गोरे,फौजदार मन्सूर सय्यद,हवालदार भाऊसाहेब काळे विजयकुमार वेठेकर,मनोहर गोसावी,पोलिस नाईक शंकर चौधरी,दिलीप शिंदे,रवी सोनटक्के,संतोष लोंढे व पोलीस शिपाई विनोद मासाळकर, रोहिदास नवगिरे,मयूर गायकवाड चालक हवालदार संभाजी कोतकर यांच्या पथकाने केली.

         आरोपींना स्थानिक गुन्हे शाखेने बारा तासाच्या आज जेरबंद केल्याने स्थानिक गुन्हे शाखेचे कौतुक होत आहे.