शिवप्रहार न्यूज-“शिवप्रहार प्रतिष्ठान”च्या वतीने निवृत्तीनाथ महाराजांच्या पालखीत उद्या ०५ हजार लाडू-चिवडा पाकीटांचे वाटप…
Editor Chandu Aage 
“शिवप्रहार प्रतिष्ठान”च्या वतीने निवृत्तीनाथ महाराजांच्या पालखीत उद्या ०५ हजार लाडू-चिवडा पाकीटांचे वाटप…
श्रीरामपूर- श्रीक्षेत्र त्र्यंबकेश्वरहून पंढरपूरला जाणाऱ्या संतश्रेष्ठ निवृत्तीनाथ महाराजांची पालखी उद्या मंगळवार दि. २१ जून रोजी दुपारी १२:३० वा श्रीरामपुरातील संगमनेर रस्त्यावरील जून्या जकात नाक्याजवळ येणार आहे.पालखीचे आगमन झाल्यानंतर शहरात विविध ठिकाणी पालखीचे स्वागत होणार आहे.
बेलापूर रोडवरील “शिवप्रहार प्रतिष्ठान”च्या कार्यालयासमोर बजरंगनगर येथे “शिवप्रहार प्रतिष्ठान” व बेलापूर रोड मित्र मंडळाच्या वतीने या पालखीतील वारकरी भाविकांना तब्बल ०५ हजार लाडू-चिवडा पाकीट प्रसादाचे वाटप करण्यात येणार असल्याची माहिती शिवप्रहार प्रतिष्ठान चे कार्याध्यक्ष तथा बेलापूर रोड मित्र मंडळाचे अध्यक्ष पै.चंद्रशेखर(चंदू)आगे यांनी सांगितले.
दोन वर्ष कोरोनामुळे पालखी व दिंडी काढण्यास शासनाने प्रतिबंध केला होता. या वर्षी परवानगी दिल्यामुळे वारकरी संप्रदायात व विठ्ठल भक्तांमध्ये उत्साहाचे वातावरण आहे.
