शिवप्रहार न्यूज- श्रीरामपुरातील चोरट्यांचा प्रताप थेट न्यायाधीशांची सायकल चोरली….
Editor Chandu Aage 
श्रीरामपुरातील चोरट्यांचा प्रताप थेट न्यायाधीशांची सायकल चोरली….
श्रीरामपूर(प्रतिनिधी) - घराच्या भिंतीच्या आतून आवारात लावलेली महिला न्यायधिशांची सायकल चोरून नेण्याचा प्रकार श्रीरामपुरात घडला आहे.
याबाबत अधिक माहिती अशी की, प्रियांका अ.पटेल, ४थे सह दिवाणी न्यायाधिश, क स्तर, श्रीरामपूर, जि.अ.नगर, राःशिवाजी महाराज रोड, नामदेव मंदिराजवळ, श्रीरामपूर यांनी दिलेल्या फिर्यादीत म्हटले आहे की, आपली ५ हजार रू. किंमतीची पोपटी व काळया रंगाची हिरो स्पिरीट कंपनीची सायकल नामदेव मंदिराजवळ राहत असलेल्या घराच्या आवारातून (भिंतीच्या आतून लावलेली)वरील वर्णनाची सायकल कोणीतरी अज्ञात चोरटयाने चोरून नेली आहे.
याप्रकरणी श्रीरामपूर शहर पोलिसात भादंवि कलम ३७९ प्रमाणे गुन्हा दाखल करण्यात आला असून पुढील तपास पोनि. सामप यांच्या मार्गदर्शनाखाली पोहेकॉ. खेडकर हे करीत आहेत.
