शिवप्रहार न्यूज- व्यापाऱ्यांना मारहाण करणाऱ्या आरोपींच्या अटकेसाठी आज शिरसगावचा आठवडा बाजार बंद…
Editor Chandu Aage 
व्यापाऱ्यांना मारहाण करणाऱ्या आरोपींच्या अटकेसाठी शिरसगावचा आठवडा बाजार बंद…
शिरसगाव - येथील आठवडे बाजारात व्यापाऱ्यांना मारहाण करणाऱ्या आरोपींना अटक करून कायदेशीर कारवाई करावी या मागणीसाठी शिरसगाव येथील आज मंगळवारचा आठवडे बाजार बंद ठेवण्याचा इशारा भाजीपाला आडतदार व व्यापाऱ्यांनी दिला आहे.
गेल्या मंगळवारी (दि. २६ जुलै) शिरसगाव येथील आठवडे बाजारात भाजीपाला विक्रीस आणलेल्या व्यापाऱ्यांना काही आरोपींनी मारहाण केली. याबाबत शहर पोलीस ठाण्यात गुन्ह्याची नोंद करण्यात आली आहे. परंतु या आरोपींना अद्याप अटक करण्यात आलेली नाही.
हे आरोपी स्थानिक असून त्यांच्यापासून इतर व्यापाऱ्यांनाही मारहाण होऊ शकते अशी भिती व्यापाऱ्यांमध्ये आहे. त्यामुळे या आरोपींना अटक करून कडक कारवाई करावी.या मागणीसाठी आज दि.०२ ऑगस्टचा आठवडे बाजार बंद ठेवण्याचा इशारा व्यापारी अमोल शेटे, राहुल बागुल, विकास अमोलिक, संजय जाधव, गोरक्षनाथ कडू, गणेश वाडेकर, शंकर बनसोडे, राहुल हिवाळे, सुधाकर कदम, इम्रान बागवान आदींसह इतर व्यापाऱ्यांनी दिला आहे.
