शिवप्रहार न्यूज- ०३ “चेन स्नॅचर(गंठणचोर)”श्रीरामपूर शहर पोलीसांनी धरले…

०३ “चेन स्नॅचर(गंठणचोर)”श्रीरामपूर शहर पोलीसांनी धरले…

श्रीरामपूर : पोलिस अधिक्षक राकेश ओला साहेब यांच्या मार्गदर्शनाखाली, श्रीरामपुर शहर पोलीसांनी आज मोठी कामगिरी करत गंठण तसेच मोटारसायकल चोर पकडले आहे.

१२ नोव्हेंबरच्या रात्री श्रीरामपूर - बेलापूर रोडवर, रात्री ११ः४५ च्या सुमारास, एकलहरे येथील श्री वा सौ खंडागळे यांना रस्त्यात आडवून, त्यांच्या जवळील हिरो स्प्लेंडर व ३ ग्रॅम सोन्याचे ऐवज चोरून नेल्याची घटना घडली होती. 

     याप्रकरणी शहर पोलीस ठाण्यात दाखल गुन्हयाच्या तपासादरम्यान अप्पर पोलीस अधीक्षक स्वाती भोर, उपविभागीय पोलीस अधिकारी संदीप मिटके ,पोलीस निरीक्षक हर्षवर्धन गवळी यांच्या मार्गदर्शनाखाली तात्काळ शहर पोलिसांनी राहुरी येथील अक्षय कुलथे, विशाल ऊर्फ गणेश शेटे व दिपक रामनाथ या तिघा आरोपींना ५ लाख ८५ हजारांच्या मुद्देमालासह ताब्यात घेतले. पोलीस अधीक्षक राकेश ओला यांनी श्रीरामपूर शहर पोलीसांचे या कामगिरी बद्दल कौतुक केले. 

     सदरची कारवाई सहाय्यक पोलीस निरीक्षक जिवन बोरसे, पोलीस सब इन्स्पेक्टर दादाभाई मगरे, पोलीस हेडकॉन्स्टेबल अतुल लोटके, पोलीस नाईक गणेश भिंगारदे, पोलीस नाईक संजय पवार, रघुवीर कारखेले, विरप्पा करमल, सोमनाथ गाडेकर, पोलीस कॉन्स्टेबल गौतम लगड, राहुल नरवडे, रमिझराजा अत्तार, गणेश गावडे, मच्छिद्र कातखडे, हरीष पानसंबळ, संपत बडे, नंदकुमार लोखंडे, भारत तमनर आदींनी केली.