शिवप्रहार न्यूज- ओव्हरब्रीज जवळ लूटमार करणारे शहर पोलीसांनी धरले …

ओव्हरब्रीज जवळ लूटमार करणारे शहर पोलीसांनी धरले …

श्रीरामपूर : येथील नेवासा रोडवरील ओव्हरब्रीज परिसरात दुचाकी अडवून गाडीला कट का मारला असे म्हणुन बेल्टने मारहाण करीत मिरची पावडर टाकुन कारेगाव येथील तरुणाकडील ७० हजार रुपये लुटणाऱ्या राहाता तालुक्यातील पाच दरोडेखोराना गजाआड करण्यात येथील पोलीस पथकाला यश आले आहे.

        पोलिसांनी दिलेल्या माहितीनुसार, (दि. २२) जून रोजी लोणी येथुन फियार्दी बालम हसन पठाण (रा. कारेगाव) हे गायी विकुन त्यातुन मिळालेले पैसे सोबत घेवुन बाभळेश्वर, श्रीरामपुर, अशोकनगर मार्गे कारेगाव येथे जात होते. त्यावेळी दुपारच्या सुमारास श्रीरामपुर -नेवासा जाणारे रोडवरील ओव्हरब्रीज परिसरातील रोडवरुन जाताना पाठीमागुन दुचाकीवर आलेल्या चोरट्यांनी त्यांना अडवुन आमच्या गाडीला कट का मारला असे म्हणुन कमरेच्या बेल्टने मारहाण केली. त्यांच्या अंगावर मिरची पावडर टाकुन शिवीगाळ करुन फियार्दी पठाण यांच्या खिशातील ७० हजार रुपये रोख रक्कम व मोबाईल संमतीशिवाय बळजबरीने चोरुन नेला होता. 

       याप्रकरणी येथील शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला होता.

सदर गुह्यासंदर्भात पोलीस निरिक्षक संजय सानप यांना मिळालेल्या गोपनीय माहितीवरुन सापळा रचुन आरोपी संदेश नवनाथ मिरपगार (वय २२. रा लोहगाव, प्रवरानगर, ता. राहाता), आवेज फिरोज शेख (वय २१, रा. बर्तनगल्ली, म्हसोबा नगर, 15 बाभळेश्वर, ता. राहाता), मनोज ज्ञानदेव भालेराव (वय २२, रा. भालेराव मळा, ममदापुर, ता. राहाता), अफजल अब्दुल मुलानी (वय २५, रा. तांबेनगर, प्रवरानगर, ता. राहाता), आसिफ अनिस सय्यद (वय २१, रा. लोहगाव, प्रवरानगर, ता. राहाता) यांना अटक करुन त्यांच्याकडे चौकशी केली असता त्यांनी गुन्हयाची कबुली दिली. 

     सदर आरोपीतांकडुन फियार्दी यांचा बळजबरीने काढुन घेतलेला मोबाईल, दोन मोटार सायकल, एक चाकु व कंबरेचा बेल्ट असा एकुण ६३ हजार रुपये किमतीचा मुद्देमाल जप्त करण्यात आला आहे. सदरची कारवाई पोलीस अधिक्षक मनोज पाटील, अप्पर पोलीस अधिक्षक स्वाती भोर, पोलीस उपअधीक्षक संदिप मिटके यांच्या सुचना व मार्गदर्शनाखाली येथील पोलीस निरीक्षक संजय सानप यांच्या पथकाने केली आहे.