शिवप्रहार न्युज - धर्मवीर छत्रपती संभाजी महाराजांबद्दल आक्षेपार्ह कमेंट करणारा आरोपी निघाला १४ वर्षांचा पोरगा…
Editor Chandu Aage 
धर्मवीर छत्रपती संभाजी महाराजांबद्दल आक्षेपार्ह कमेंट करणारा आरोपी निघाला १४ वर्षांचा पोरगा…
श्रीरामपूर-शहरातील हिंदुत्ववादी कार्यकर्ते किरण सुरज कर्नावट यांच्या तक्रारीवरून faizan_qureshi0057 या इन्स्टाग्राम अकाउंट वरून धर्मवीर छत्रपती संभाजी महाराजांबद्दल आक्षेपार्ह कमेंट केल्याबद्दल श्रीरामपूर शहर पोलीस ठाण्यामध्ये धार्मिक भावना दुखावल्याबाबत कलम 295 भादविप्रमाणे नुकताच गुन्हा दाखल करण्यात आला होता. याबाबत शहरातील हिंदुत्ववादी तरुणांकडून आरोपीवर कठोर कारवाई करण्याबाबत मागणी करुन तीव्र भावना व्यक्त करण्यात आल्या होत्या.
याप्रकरणी श्रीरामपूर शहर पोलिसांनी अधिक तपास केला असता हे इन्स्टाग्राम अकाउंट चालवणारा हा श्रीरामपूर शहरातील 14 वर्षाचा अल्पवयीन पोरगा असल्याचे आढळून आले आहे.या विषयी पुढील कारवाई श्रीरामपूर शहर पोलिसांकडून चालू आहे.
