शिवप्रहार न्यूज- लॅाकडाऊनमुळे श्रीरामपुरातील तरुणाने घेतला गळफास; नागरिकांनी व्यक्त केला सरकारविरोधी संताप
Editor Chandu Aage 
लॅाकडाऊनमुळे श्रीरामपुरातील तरुणाने घेतला गळफास; नागरिकांनी व्यक्त केला सरकारविरोधी संताप ....
श्रीरामपूर/ प्रतिनिधी-
शहरातील गोंधवणी रोड परिसरात राहणाऱ्या राजेंद्र रावसाहेब शेळके ,वय 39 ,याने आपल्या राहत्या घरी दोरीच्या सहाय्याने गळफास घेतला असुन याप्रकरणी श्रीरामपूर शहर पोलीस ठाण्यात आकस्मात मृत्यू क्रमांक 35 /2021 फौ प्र स 174 प्रमाणे नोंद दाखल करण्यात आली आहे. याप्रकरणी पुढील तपास पोहेकॉ साळवी हे करीत आहेत. राजेंद्र शेळके हा गवंडी- मजुर काम करायचा आणि आपल्या कुटुंबाचे पोट भरायचा परंतू लॅाकडाऊन मुळे त्याचे काम गेले. कामधंदा नसल्यामुळे शेळके परिवाराची अर्थिक चणचण प्रचंड वाढली. त्यामुळे आलेल्या टेन्शन ने राजेंद्र यांनी गळफास लावुन आत्महत्या केल्याचे बोलले जात आहे.
राजेंद्र यांच्या मागे ३ मुली ,१ मुलगा,आई ,वडील,पत्नी,भाऊ असा परिवार आहे. राजेंद्र यांच्या अकाली जाण्याने गोधवणी रोड परिसरात हळहळ व्यक्त होत आहे. लॅाकडाऊन मुळे काम गेल्याने राजेंद्र ने आत्महत्या केली आहे म्हणुन लॅाकडाऊन लादुन गोरगरीब,सर्वसामान्यांच्या जीवावर उठलेल्या सरकारला नागरिक मोठ्या शिव्याशाप देत आहेत. हरामखोर पुढार्यांनो “आतातरी जागे व्हा “असा आक्रोश गोंधवणीतील एका नागरिकाने यावेळी केला आहे.
