शिवप्रहार न्युज - श्रीरामपुरात लोखंडेंचे घर फोडून चोरी...
Editor Chandu Aage 
श्रीरामपुरात लोखंडेंचे घर फोडून चोरी...
श्रीरामपूर (शिवप्रहार न्युज) - शहरातील वॉर्ड नं. २ मधील संजयनगर येथे बंद घर फोडून सोन्याचे गंठण चोरुन नेण्याचा प्रकार समोर आला आहे. वॉर्डनं. २ मधील संजयनगर येथील संजय हौसिंग सोसायटीमध्ये राहणाऱ्या वैशाली विजय लोखंडे, यांचे राहाते घर बंद असताना अज्ञात चोरट्याने घराचा दरवाजा तोडून घरातील ३ तोळ्याचे सोन्याचे गंठण चोरुन नेले आहे. सदर चोरीचा प्रकार मंगळवार दि. १९ नोव्हेंबर रोजी सकाळी ९ ते शुक्रवार दि. २२ नोव्हेंबर रोजी सकाळी १० च्या दरम्यान घर बंद असताना घडला आहे.
याप्रकरणी वैशाली लोखंडी यांनी श्रीरामपूर शहर पोलिसात फिर्याद दिल्यावरुन अज्ञात चोरट्याविरुद्ध गुन्हा दाखल करण्यात आला असून पुढील तपास पो.नि. देशमुख यांच्या मार्गदर्शनाखाली पो. ना. अडांगळे हे करीत आहे.
