शिवप्रहार न्यूज-बाजार तळावरील मटण मार्केट जवळ एकाला तलवारीसह धरले; मे महिन्यात श्रीरामपूर पोलीसांनी जप्त केलेली तब्बल ०६ वी तलवार...

बाजार तळावरील मटण मार्केट जवळ एकाला तलवारीसह धरले; मे महिन्यात श्रीरामपूर पोलीसांनी जप्त केलेली तब्बल ०६ वी तलवार...

 श्रीरामपूर -श्रीरामपूर शहरातील जुने मटण मार्केट,बाजार तळ, श्रीरामपूर याठिकाणी आरोपी तंजील गफार खान, वय 23 वर्षे, राहणार -हुसेन नगर, वॉर्ड नंबर 1,श्रीरामपूर हा विनापरवाना तलवार बाळगतांना काल रात्री पोलीसांना मिळून आला. म्हणून पोलीस शिपाई पंकज गोसावी यांच्या तक्रारीवरून श्रीरामपूर शहर पोलीस ठाण्यात गुन्हा रजिस्टर नंबर 341/ 2021 भारतीय हत्यार कायदा कलम 04/25 प्रमाणे गुन्हा दाखल करण्यात आला आहे.
         आरोपी खान याच्याकडे सापडलेली ही तलवार म्हणजे श्रीरामपूर शहर पोलिसांनी पकडलेली मे महिन्यातील तब्बल ०६ वी तलवार आहे. 
        मे महिन्यामध्ये श्रीरामपूर पोलिसांनी वडाळा महादेव भागात एका तडीपार आरोपी कडून एक तलवार, एमआयडीसी भागात एका आरोपीकडून एक तलवार, तसेच वार्ड नंबर 2 मध्ये दोन हातात दोन तलवारी घेऊन फिरणाऱ्या शाहरुख शेख कडून दोन तलवारी तसेच मागच्याच आठवड्यात तीन दिवसांपूर्वी महाराष्ट्र वाईन्स जवळून एक तलवार व आत्ता खानकडे मिळालेली ही अजुन एक तलवार अशा एकूण तब्बल ०६ तलवारी मे महिन्यात श्रीरामपूर शहर पोलिसांनी वेगवेगळ्या ठिकाणावरुन वेगवेगळ्या आरोपींकडून जप्त केल्या आहेत. 
          श्रीरामपूर शहरात एका महिन्यात जर ०६ तलवारी मिळत आहेत तर गुन्हेगारी प्रवृत्तीच्या इतर लोकांकडे असे किती तरी हत्यार असतील तरी त्याचा पोलिसांनी शोध घेणे आवश्यक आहे.
          तसेच वार्ड नंबर एक भागातील हुसेन नगर येथे राहणारा वरील आरोपी तंजील खान हा वार्ड नंबर 3 मधील बाजारतळ,मटण मार्केट येथे तलवार घेऊन कशासाठी आला होता ? याचा तपास पोलिस करत आहेत.