शिवप्रहार न्यूज- ग्रामसभा अर्धवट सोडून ग्रामसेवकाचा काढता पाय;ग्रामस्थांनी केली श्रीरामपूर BDO कडे तक्रार…
Editor Chandu Aage 
ग्रामसभा अर्धवट सोडून ग्रामसेवकाचा काढता पाय;ग्रामस्थांनी केली श्रीरामपूर BDO कडे तक्रार…
श्रीरामपूर - श्रीरामपूर तालुक्यातील ब्राह्मणगाव वेताळ या गावामध्ये आज 29 डिसेंबर 2021 रोजी ग्रामसभा आयोजित करण्यात आली होती. या ग्रामसभेला मोठ्या प्रमाणावर ग्रामस्थ व महिला बचत गटाच्या सदस्या उपस्थित होत्या.परंतु सरपंच हजर नसल्यामुळे ग्रामसेवक निलेश लहारे यांनी अर्धवट ग्रामसभा सोडून काढता पाय घेतला.त्यामुळे उपस्थित ग्रामस्थ व महिला बचत गटाच्या सदस्यांना त्यांच्या प्रश्नांची उत्तरे मिळाली नाही.म्हणून ग्रामस्थ ,ब्राह्मणगाव वेताळ व महिला बचत गट ,ब्राह्मणगाव वेताळ यांच्यावतीने श्रीरामपूर पंचायत समितीचे गट विकास अधिकारी/BDO यांच्याकडे ऑनलाइन तक्रार अर्ज करण्यात आला आहे.
ग्रामसेवकाच्या या वागण्यामुळे ब्राह्मणगाव वेताळ येथील ग्रामस्थांमध्ये आज प्रचंड संताप पाहायला मिळाला.
