शिवप्रहार न्यूज-पोलीस भरती पूर्व प्रशिक्षण संस्थेवर छापा; १९ लाखाचा दारूसाठा जप्त…
Editor Chandu Aage 
पोलीस भरती पूर्व प्रशिक्षण संस्थेवर छापा; १९ लाखाचा दारूसाठा जप्त…
संभाजीनगर - राज्य उत्पादन शुल्क संभाजीनगर विभागाच्यावतीने संभाजीनगर तालुक्यातील आडगाव येथील जय जवान सैनिक पोलीस भरती पूर्व प्रशिक्षण संस्थेत संस्थेचा मालक अशोक डवले हा बेकायदेशीरपणे दारू कारखाना चालवीत असल्याची खबर मिळाल्याने पथकाच्या वतीने या ठिकाणी छापा टाकण्यात आला.
या छाप्यात देशी दारू टॅंगो सह मोठ्या प्रमाणावर स्पिरिट बाटल्या,बुच्चन,खोके असा एकूण 19 लाखाचा मुद्देमाल जप्त करण्यात आला.या प्रकरणी राज्य उत्पादन शुल्क विभागाच्यावतीने गुन्हा दाखल करून पाच जणांना अटक करण्यात आली आहे अशी माहिती राज्य उत्पादन शुल्क विभाग,संभाजीनगरचे निरीक्षक श्री.शरद फटांगडे यांनी प्रेसनोट द्वारे दिली.
भरतीपूर्व प्रशिक्षण संस्थेत हा प्रकार घडल्याने या प्रकाराची राज्यभर चर्चा आहे.
