शिवप्रहार न्यूज- श्रीरामपूर पोलीसांकडुन मोटारसायकल चोरांसह ०५ मोटारसायकल जप्त…

श्रीरामपूर पोलीसांकडुन मोटारसायकल चोरांसह ०५ मोटारसायकल जप्त…

श्रीरामपूर (प्रतिनिधी)- नगर, पुणे, औरंगाबाद, नाशिक येथून मोटारसायकल चोरी करणाऱ्या दोन अट्टल गुन्हेगारांना काल श्रीरामपूर शहर पोलिसांनी अटक केली आहे.

शहर पोलीस पथकाने सापळा रचून ज्ञानेश्वर महादेव देवकर रा. नेवासा, नल्ल्या उर्फ आकाश अनिल गायकवाड रा. नेवासा याला अटक करुन त्याच्याकडे तपास करत होन्डा शाईन कंपनीचे ३ मोटारसायकल, एक हिरो एच.एफ. डिलक्स, एक होन्डा, ॲक्टिव्हा अशा एकूण ५ मोटारसायकल (एकूण किम्मत ३,५०,०००रुपये) मुद्देमाल जप्त केला आहे. 

       सदर मोटार सायकल नगर, पुणे, नाशिक, औरंगाबाद येथून चोरी केल्याची कबुली आरोपींनी दिली आहे. आरोपी ज्ञानेश्वर महादेव देवकर यांचेवर वैजापूर, सांगवी, पुणे ग्रामिण, सोनई, नेवासो, हडपसर, बदलापूर आदी पोलिस ठाण्यात गुन्हे दाखल आहेत. याप्रकरणातील दोघा आरोपींना पोलिसांनी काल न्यायालयात हजर केले असता दोघांनाही दोन दिवसाची पोलीस कोठडी सुनावली आहे.

        सदरची कारवाई जिल्हा पोलीस अधिक्षक मनोज पाटील, अप्पर पोलीस अधिक्षक स्वाती भोर, पोलीस उपअधिक्षक, संदिप मिटके, यांच्या सुचना व मार्गदर्शनाखाली श्रीरामपुर शहर पोस्टेचे पोलीस निरीक्षक संजय सानप यांचेसह पोलीस निरीक्षक जिवन बोरसे व पोलीस नाईक पंकजं गोसावी, पोलीस नाईक रघुवीर कारखेले, पोलीस नाईक एम. के. शेलार, पोलीस कॉन्स्टेबल राहुल नरवडे, पोलीस कॉन्स्टेबल गौतम लगड, पोलीस कॉन्स्टेबल रमिज आत्तार पोलीस कॉन्स्टेबल गौरव दुर्गुळे यांच्या पथकाने केली आहे.