शिवप्रहार न्यूज- पोलिसांच्या मारहाणीत युवक गंभीर जखमी;लोणी PMT येथे आयसीयूमध्ये उपचार सुरू…
Editor Chandu Aage 
पोलिसांच्या मारहाणीत युवक गंभीर जखमी;लोणी PMT येथे आयसीयूमध्ये उपचार सुरू…
सोनई - सोनई येथील मिरवणूकीत भगवा झेंडा फडकवला व मोबाईलवर फोटो ठेवला तसेच सोशल मीडियावर झालेल्या चॅटवरून सोनई पोलिसांनी राजेंद्र मोहिते या तरुणाला कोणत्याही गुन्ह्यात अटक न करता बेदम मारहाण केली. त्यामुळे या युवकावर लोणी प्रवरानगर येथे ICU कक्षात उपचार सुरू आहे.याप्रकरणी राजेंद्र मोहिते यांच्या कुटुंबीयांनी राज्याचे गृहमंत्री व पोलीस अधिक्षक,नगर यांना सदर बाबत निवेदन दिले आहे.
याप्रकरणी राजू मोहिते यांचे बंधू अजय मोहिते यांनी म्हटले की, समज देण्याच्या नावाखाली अपरात्री सोनई पोलिसांनी घरी येऊन राजेंद्र मोहिते याच्या परिवारास धमकावले.तसेच राजेंद्र मोहिते यास पोलीस स्टेशन येथे नेऊन अमानुषपणे मारहाण केली व भगवा ध्वज मोबाईलवर फोटो ठेवू नको अशी दमदाटी देखील पोलीस अधिकारी सचिन बागुल व सहकाऱ्यांनी केली.त्यामुळे त्यांच्यावर कारवाई झाली नाही तर आम्ही उपोषण करणार असल्याचे देखील त्यांनी सांगितले.
तसेच कोणी या प्रकाराची दखल घेतली नाही तर उच्च न्यायालयात याचिका मांडून न्याय मिळावा यासाठी लढत राहु.
