शिवप्रहार न्यूज-श्रीरामपुरात बंगल्यातून सव्वा लाखाचे दागिने चोरी; मोलकरणीने चोरल्याचा संशय…
Editor Chandu Aage 
श्रीरामपुरात बंगल्यातून सव्वा लाखाचे दागिने चोरी; मोलकरणीने चोरल्याचा संशय…
श्रीरामपूर- श्रीरामपुरातील फातेमा हौसिंग सोसायटीमधील एका बंगल्यातून सव्वा लाखांच्या दागिन्यांची चोरी करण्यात आली आहे. ही चोरी मोलकरणीने केल्याचा संशय फिर्यादी महिलेने व्यक्त केला आहे.
याबाबत फैज्जान नूरमहंमद पठाण, वय २३, धंदा मोबाईल स्टोअर, रा. फातेमा हौसिंग सोसायटी, बंगला नं. डी - १०, वा.नं. १, श्रीरामपूर यांनी दिलेल्या फिर्यादीत म्हटले आहे की, दि. २५ एप्रिल २०२२ ते दि. ४ मे २०२२ यादरम्यान आपल्या फातेमा हौसिंग सोसायटीमधील वरील बंगल्यातून माझे कपाटातून १ लाख ३० हजार ८८० रू. किंमतीचे सोन्याचे दागिने हे चोरीस गेले आहे. सदर दागिने मोलकरीण खुर्शिद गनी सय्यद, वय ६८, रा. बजरंगचौक, - वा. नं. २, श्रीरामपूर हिने चोरून नेल्याचा संशय फिर्यादी फैज्जान नूरमहंमद पठाण या महिलेने आपल्या फिर्यादीत व्यक्त केला आहे. याप्रकरणी श्रीरामपूर शहर पोलीस ठाण्यात भादंवि कलम ३८१ प्रमाणे, गुरनं. ३३७ / २०२२ दाखल करण्यात आला असून पुढील तपास शहर पोलीस ठाण्याचे पोनि संजय सानप यांच्या मार्गदर्शनाखाली सपोनि बोरसे हे करीत आहेत.
