शिवप्रहार न्यूज- शेंगा येण्याच्या वेळेलाच सोयाबीन पिकावर लष्करी अळीचा हल्ला; सोयाबीन पिकावर संकट…
Editor Chandu Aage 
शेंगा येण्याच्या वेळेलाच सोयाबीन पिकावर लष्करी अळीचा हल्ला; सोयाबीन पिकावर संकट…
श्रीरामपूर /प्रतिनिधी -श्रीरामपूर व राहता तालुक्याचे काही भागात सोयाबीन पिकावर लष्करी अळीचा प्रादुर्भाव दिसून आला असून आज रविवारी राहता तालुक्यातील राजुरी येथील ज्येष्ठ पत्रकार -शेतकरी मनोजकुमार आगे यांच्या शेतावर भेट दिली असता तेथील सोयाबीन पिकावर लष्करी अळी दिसून आली.
या लष्करी अळ्यांनी पाने खाण्यास सुरुवात केली असून सुमारे 20 टक्के पान भोक पाडून लष्करी अळीने फस्त केले आहे.तातडीने फवारणी न झाल्यास ,उपाय योजना न केल्यास आठ दिवसात लष्करी आळी सर्व पीक खाऊन नंतर आलेल्या कवळ्या शेंगा फस्त करतील या लष्करी अळीच्या रोगामुळे जोमात असलेले सोयाबीन पीक ऐन शेंगा येण्याच्या मोसममध्ये धोक्यात आले आहे.त्यामुळे शेतकरी लष्करी अळीच्या प्रादुर्भावाने चिंतेत आहे.
