शिवप्रहार न्यूज - न्यायाचार्य डॉ.नामदेव शास्त्री महाराज( भगवानगड) यांच्या शुभहस्ते श्री.तुळजाभवानी मूर्तीची प्राणप्रतिष्ठा व कलशारोहण सोहळा…
Editor Chandu Aage 
न्यायाचार्य डॉ.नामदेव शास्त्री महाराज( भगवानगड) यांच्या शुभहस्ते श्री.तुळजाभवानी मूर्तीची प्राणप्रतिष्ठा व कलशारोहण सोहळा…
श्रीरामपूर (प्रतिनिधी). श्री राजे छत्रपती शिवाजी महाराज प्रतिष्ठान ,इंदिरानगर आणि समस्त ग्रामस्थ शिरसगाव यांच्या संयुक्त विद्यमाने उद्या मंगळवार दि. 31 जानेवारी श्री तुळजाभवानी देवीच्या मूर्तीची भव्य मिरवणूक दुपारी चार वाजता संपन्न होईल.
एक आणि दोन फेब्रुवारीला ह.भ.प रविंद्र महाराज सुद्रिक आणि ह.भ.प योगेश्वरी ताई उंडे- दरंदले यांचे जाहीर हरीकिर्तन रात्री सात वाजता होईल आणि दोन फेब्रुवारी रोजी श्री श्री १०८ रामदासजी महाराज कर्नाल (हरियाणा) यांचे दुपारी चार वाजता प्रवचन होणार आहे. 3 फेब्रुवारी सकाळी 9.45 रोजी न्यायाचार्य डॉ.नामदेव शास्त्री महाराज (भगवानगड) यांच्या शुभहस्ते श्री.तुळजाभवानी मंदिरातील मूर्तीची प्राणप्रतिष्ठा व कलशारोहण सोहळा संपन्न होईल व बारानंतर महाप्रसादाचा कार्यक्रम होईल.
तरी पंचक्रोशीतील सर्व भाविकांनी या धार्मिक कार्यक्रमाचा लाभ घ्यावा असे आवाहन श्री.राजे छत्रपती शिवाजी महाराज प्रतिष्ठान तर्फे करण्यात आले आहे.
