शिवप्रहार न्युज - कत्तलीसाठी चाललेले १४ वासरू शहर पोलीसांनी पकडले; “शिवप्रहार”च्या मावळ्यांची झाली मदत ...
Editor Chandu Aage 
कत्तलीसाठी चाललेले १४ वासरू शहर पोलीसांनी पकडले; “शिवप्रहार”च्या मावळ्यांची झाली मदत ...
श्रीरामपूर (शिवप्रहार न्यूज)- श्रीरामपूर शहरातील नेवासारोड वरून इंडिगो सीएस कारमधून कत्तलीसाठी तोंड बांधलेल्या अवस्थेत वासरे घेऊन जात असताना कार काल सायंकाळी पोलिसांनी पकडली आहे. या कारचा पाठलाग पोलीस करत असताना कारचालकाने हॉटेल योगेश जवळून राम मंदिराच्या दिशेने भरधाव वेगात हॉर्न वाजवत नेत असताना कारसमोरून मोटारसायकलवर चाललेल्या “शिवप्रहार”च्या दोघा मावळ्यांना अशा पळून जाण्याच्या पद्धतीने कार चालवणाऱ्या कारवाल्याचा संशय आला.म्हणुन त्यांनी कारवाल्याला हॉर्न वाजवून देखील त्याला रस्ता दिला नाही त्यामुळे हि कार पोलिसांना पकडण्यात मदत झाली.
श्रीराम मंदिराजवळील इलेक्ट्रिकच्या दुकानासमोर ही कार पकडण्यात आली. या इंडिगो कारमधील दोघांना ताब्यात घेतले असून कारमध्ये तोंड बांधलेल्या अवस्थेत 14 गोवंशीय वासरे आढळून आले आहेत. सदर घटनेवेळी श्रीराम मंदिर परिसरात मोठी गर्दी जमली होती.
सदरची कारवाई पोनि. देशमुख यांच्या मार्गदर्शनाखाली पोकॉ. नितीन चव्हाण, रवींद्र बोडखे, पोहेकर ,पोना.बोरसे यांनी केली आहे.
