शिवप्रहार न्युज - मुलाला कुरकुरे घेईपर्यंत चोरटा गाडी घेऊन पसार...
Editor Chandu Aage 
मुलाला कुरकुरे घेईपर्यंत चोरटा गाडी घेऊन पसार...
श्रीरामपूर (शिवप्रहार न्युज)- केक शॉपमधून मुलाला कुरकुरे घेईपर्यंत समोर लावलेली मोटारसायकल चोरीला जाण्याचा प्रकार श्रीरामपूर शहरात घडला आहे. याबाबत, सोमनाथ सत्यवान पतंगे, धंदा-पान शॉप, रा.सुभाष कॉलनी, वॉर्ड नं.६, श्रीरामपूर यांनी फिर्याद दिली आहे. त्यात म्हटले आहे रात्री ८ च्या सुमारास मुलाला खाऊ घेण्यासाठी आपण आपली मोटारसायकल टिव्हीएस व्हिक्टर क्र. एमएच १७ बीआर २६७८ हिच्यावरून राहत्या घराहून उंडे हॉस्पीटलसमोर असलेल्या शॉमी केक शॉप येथे गेलो. गाडी लावून शॉप मालक यांच्याशी बोलत असताना आणि कुरकुरे घेतल्यानंतर गाडी लावलेल्या ठिकाणी आलो असता आपली मोटारसायकल लावलेल्या ठिकाणी आढळली नाही. त्यामुळे कोणीतरी अज्ञात इसमाने आपली मोटारसायकल चोरून नेल्याचे फिर्यादीत म्हटले आहे. याप्रकरणी श्रीरामपूर शहर पोलिसात भादंवि कलम ३७९ प्रमाणे गुन्हा दाखल करण्यात आला असून पुढील तपास श्रीरामपूर शहर पोलिस करत आहे.
