शिवप्रहार न्यूज - डावखर मंगल कार्यालयासमोर दुचाकीस्वाराचा मृत्यू...
Editor Chandu Aage 
डावखर मंगल कार्यालयासमोर दुचाकीस्वाराचा मृत्यू...
श्रीरामपूर - श्रीरामपूर शहरातील पुणतांबा रोडवर असणाऱ्या डावखर मंगल कार्यालयाच्या समोर, वॉर्ड नंबर 1 ,श्रीरामपूर याठिकाणी मोटरसायकल क्रमांक एम एच 17 8485 या मो.सायकलचे चालक विश्वनाथ गोपीनाथ मापारी,वय 61 राहणार- पुणतांबा रोड,पेट्रोल पंपासमोर ,गोंधवणी ,वार्ड नंबर एक हे मयत झाल्याची घटना घडली आहे.
अधिक माहिती अशी की,मयत मोटरसायकलस्वार हा डावखर मंगल कार्यालया समोरून भरधाव वेगाने त्याच्या ताब्यातील मोटारसायकल चालवत होता.मोटर सायकलचा वेग जास्त असल्या कारणाने त्याचे मोटरसायकलवरील नियंत्रण सुटले आणि तोल जाऊन ते जोरात रोडवर पडले.या अपघातात गंभीर दुखापत होऊन विश्वनाथ यांचा मृत्यू झाला आहे.
याबाबत श्रीरामपूर शहर पोलीस ठाण्यात अकस्मात मृत्यूची नोंद. 46/ 2021 अन्वये घेण्यात आली होती. त्याच्या तपासा वरून पुढे काल रोजी गुन्हा रजिस्टर नंबर 443/2021 भादवि कलम 304 अ वगैरेचा हयगयीने मृत्युस जबाबदार असा गुन्हा मयत विश्वनाथ गोपीनाथ मापारी यांच्या विरोधात दाखल करण्यात आला आहे.
या गुन्ह्याचा तपास पोलीस निरीक्षक श्री.सानप यांच्या मार्गदर्शनाखाली सहाय्यक फौजदार हापसे हे करीत आहेत.
